Тус Академийн урилгаар Токиогийн Их Сургуулийн профессор, доктор Kenichi IKEDA  2009 оны 8 сарын 24-31-ны хооронд Mонгол улсад зочилж Сонгуулийн ерөнхий хорооны удирдлага, хотын дүүрэг , аймаг, сумдын нутаг дэвсгэр, салбар хороодын ажилтнуудтай уулзаж, улс төрийн нам,  судалгаа шинжилгээний байгууллагад зочиллоо. Сонгуулийн систем: Япон Монголын харьцуулалт сэдвээр  УТБА-ийн багш, оюутнуудад лекц уншиж, сонгуулийн системийн өөрчлөлт нь сонгогчдын үйл байдал, сэдэлд хэрхэн нөлөө үзүүлдэг талаар өөрийн судалгааны дүнд тулгуурлан харьцуулсан шинжилгээ хийж  үзүүлсэн болно.

УТБАкадемийн дэргэдэх Нийгмийн ухааны Либерти дээд сургууль нь БНСУ-ын Йонсей Их сургуулийн Нийтийн захиргааны дээд сургуультай 2006 оноос эхлэн хамтран ажиллах гэрээ байгуулснаар, уг сургуулийн профессорын багийн оролцоотой Бага хурал, сургалт зохион байгуулж хамтран ажиллаж байна.

2009 оны 8 сарын 23-29 өдрүүдэд  Йонсей Их Сургуулийн профессор Woo-Suh Park Монгол улсад зочилж УТБА-ийн багш нар болон Либерти дээд сургуулийн магистрантуудад “Хот төлөвлөлт “ гэсэн  үндсэн сэвдийн хүрээнд: Хот гэж юу вэ? Хотжих үйл явц, хот төлөвлөлтийн бодлого, онолын урсгалуудын талаар  4 өдөр лекц, сургалт хийлээ.

Академийн сургалтын төлөвлөгөөний дагуу энэ жилийн зуны сургалтыг  2009 оны 7 сарын 14-ээс эхлэн Архангай, Баянхонгор, Завхан , Хөвсгөл, Булган аймагт зохион явууллаа. Сургалтын гол зорилго болох хөдөөгийн иргэдийн улс төрийн боловсролыг дээшлүүлэх, иргэдийг гэгээрүүлэх энэ ажилд Академийн зургаан салбарын багш, эрхлэгч нар нийт 23 хүн идэвхтэй оролцлоо.

Академийн ажилтнуудын нэгдсэн цугларалтыг Хөвсгөл аймгийн Цагаан-нуур сумын Тэнгис голын хөвөөнд хийж, 2009 оны эхний хагас жилийн ажлууддаа дүгнэлт өгч ирэх 2010 оны ажил, сургалтын чиглэлийг хэлэлцэж баталлаа. Уг цугларалтын үеэр ХБНГУ-ын Засгийн газрын гишүүн ноён Гюнтер Нооке “Хүний эрхийн хамгаалал” сэдвээр лекц уншиж, өөрийн орны туршлагаас санал бодлоо солилцлоо. 21 хоног үргэлжилсэн зуны сургалтанд нийт 5 аймгийн 20 гаруй сумын 758 иргэд хамрагдлаа.

Өвөрхангай, Хөвсгөл салбарын эрхлэгч болон нийт салбарын багш нар ХБНГУ-д мэргэжил дээшлүүлсэн бөгөөд уг семинар “ Монгол улсын Улс төрийн боловсролд хэвлэл мэдээллийн хэрэгсэл” сэдвийн хүрээнд 6-р сарын 27-7-р сарын 1 хооронд Берлин хотод явагдаж өнгөрлөө.

Уг семинараар

· Түүхийг яаж зөв өгүүлэх вэ?

· Юуг яаж зургалах вэ?

· Ямар техникийг хэзээ, яаж хэрэглэх?

·Оролцогчдын тусламжтай кино өгүүлэмж бүтээх гэсэн хөтөлбөрийн сэдвүүдийн дараалалаар ажиллаж мэргэжил дээшлүүлсэн байна.

1. Төрийн албаны чиг үүрэг, албан үүргээ үнэнч шударга, идэвх санаачилгатай, үр бүтээлтэй гүйцэтгэж, тогтвортой амжилт гарган төрийн албаны үйл хэрэгт бодитой хувь нэмэр оруулсан дараах нэр бүхий төрийн албан хаагчдыг “Төрийн албаны тэргүүний ажилтан” цол, тэмдгээр шалгаруулан шагнасугай. Үүнд:... Болормаа Агваанжигмид ШУТИС-ийн Компьютерийн техник менежментийн сургуулийн ахлах багш...
2. Дагалдах мөнгөн шагнал (нэг зуун мянган төгрөг)-ыг Монгол Улсын Төрийн албаны зөвлөлийн 2009 оны 47 дугаар тогтоолын хавсралтаар баталсан “Төрийн албаны тэргүүний ажилтан цол, тэмдгээр шагнах журам”-ын 4.2-т заасны дагуу тухайн  байгууллагаас олгосугай.